के नेपाल शटडाउन हुने अवस्थामा पुग्दैछ?

वीरगंज । देशमा आर्थिक संकट छ । प्राय सबै पेशा व्यवस्थामा आर्थिक मन्दी छ । नेपालभरिको पसलमा बिक्री निकै घटेको छ । घरभाडा, बैंकको ब्याज, दैनिक खर्च चलाउन नसक्ने अवस्था छ ।
मलिनो मुख लगाएर बसेका छन् व्यापारी पसले । यातायात व्यापार सबैमा मन्दी छ । पसलमा ग्राहकको उपस्थिति न्यून छ । कसरी टिक्ने, के कमाएर के खाने भन्ने चिन्तामा अधिकांश व्यापारी, पसले, व्यवसायी छन् । विदेशी पर्यटक घटेका छन् । वैदेशिक रोजगारीमा जाने नेपाली मात्र बढेका छन् । सरकारले दायित्व भुक्तान गर्न सकेको छैन ।
देश र समाजको यस्तो परिस्थिति र अवस्थामा बैंकहरूमा ६ खर्ब ६१ अर्ब रुपियाँँ थन्किएको छ । घरजग्गाको किनबेचमा पनि अति मन्दी देखिएको छ । औषधिको व्यापारमा पनि घाटाको अवस्था छ ।
दुग्ध पदार्थ बाहेक सबै थोक को व्यापार नाजुक अवस्थामा पुगेको छ। पर्याप्त आर्थिक तरलता छ, ऋण लगानी असुली एकदमै मन्दी छ। कर्जा प्रवाह घटेको छ । यस्तो अवस्था रहिरहे अर्थतन्त्र धाराशायी हुन्छ। राष्ट्र नै सटडाउन हुन्छ । नेपालको इतिहासमा यस्तो अवस्था आएको थिएन अब छिटै आउँदैछ । आर्थिक विषमता आर्थिक संकट देशलाई प्रभाव र असर पार्ने डरलाग्दो, खतरा र गम्भीर कुरा हो। सरकारको लक्ष्य, अनुमान र तथ्याङ्कले हावा खाँदैछ ।
विदेशी ऋण, भ्रष्टाचार र घुसखोरी, दैनिक खरिद, बिक्री घटेर नेपालको अर्थतन्त्र र राज्य सञ्चालन असफल पर्दैछ । सरकारले विकास खर्च गर्न नसक्ने अवस्था छ ।