वीरगंज, २ कात्तिक । माट्रिका आई फाउन्डेशन आँखा अस्पतालले यही मंगलवार कात्तिक ६ गते निःशुल्क आँखा परीक्षण शिविरको आयोजना गर्दैछ । शिविरमा मोतियाबिन्दु भएका बिरामीहरुको पनि निःशुल्क अपरेशन गर्ने जनाएको छ । बडा दशैं, दीपावली तथा छठ पर्वको अवसरमा माट्रिका आइ फाउन्डेशन आँखा अस्पतालले वीरगंज महानगरपालिका वडा नं. ८ पानीटंकी मेनरोडस्थित अस्पताल परिसरमा मंगलवार बिहान ८ बजेदेखि दिउँसो १ बजेसम्म शिविरको आयोजना गर्ने जनाएको छ । आँखामा समस्या भएका, आँखाका उपचार गर्न असमर्थ रहेका गरीब, असहायहरुको निःशुल्क उपचारको साथै मोतियाबिन्दुको पनि निःशुल्क अपरेशन गर्ने अस्पतालले जनाएको छ । साथै शिविरमा औषधि पनि निःशुल्क वितरण गरिने अस्पतालले जनाएको छ ।
प्रतिक्रिया लेख्नुहोस्
