गौर, २४ फागुन । गौर राइस मिल सन्दर्भमा दिएका अभिव्यक्तीविरूद्ध संघीय सांसद अमरेशकुमार सिंहको रौतहटको गौरमा पुत्ला दहन गरिएको छ । सांसद सिंहले शुक्रवार सदनमा मेयर शम्भु साह विरूद्ध गैर जिम्मेवारीपूर्ण अभिव्यक्ति दिएको आरोप लगाउँँदै साहका समर्थकसँगै गौर नगरपालिकाका पदाधिकारीहरूले नाराबाजी गर्दै बीपी चौकमा शनिवार पुतला दहन गरेका हुन् । मेयर साहविरूद्ध गैरजिम्मेवारपूर्ण अभिव्यक्तिविरूद्ध स्थानीय जन प्रतिनिधिको सहभागीतामा गौर बिपी चोकमा टायर बालेर प्रदर्शन गरेको हो । प्रदर्शनमा सहभागी नेताका अनुसार गौर राइस मिलको जग्गा घोषणा गरिएका सरकारी सम्पत्तिको निर्णय बिरूद्ध सर्वाेच्च अदालतले निजि सम्पत्तिलाई मुआब्जा नदिई सरकारी सम्पत्ति घोषणा गर्न नमिल्ने भनि अदालतले गरेका फैसला अकाटय हुदा।गौर नगरपालिकाले गौर राइस मिलको मोही बाहेक भोगमा रहेको ४ बिघा ११ कठ्ठा जग्गा मध्येबाट गौर नगरपालिकाको नाममा २ बिघा १५ कठ्ठा जग्गा दानमा प्राप्त गर्ने नगरपालिकाको यो निर्णयले स्थानीयवासीलाई लाभदायक हुने भएकोमा नगरपालिकाको निर्णय सराहनीय रहेकोे बताएका छन। त्यसमा स्थानीय जनप्रतिनिधि नगरका उपप्रमुख, नगरप्रवक्ता, वडाध्यक्षहरू, वडा सदस्य, तथा स्थानीयहरूले सांसद सिंहलाई अभिव्यक्ति फिर्ता लिएर गौरवासीसँग माफी माग्नुपर्ने बताएका छन् । प्रदर्शनकारीहरूले ब्यानर, प्लेकार्ड बोकेर पुत्ला दहन गर्दै सिंहले अविलम्ब माफी नमागेमा उनीविरूद्ध कानुनी प्रक्रियामा जाने चेतावनी दिएका छन्।
प्रतिक्रिया लेख्नुहोस्
